أكبر مكتبة نكت في شذى المحبة

نور الحق السبت أغسطس 18, 2007 5:36 pm

واحد بخيل واقف فى البلكونه ؟
ابنه جاى من بعيد يقول ...
بابا بابا بابا
رد عليه ابوه و قاله :
يا ابن الكلب بابا واحده كفايه
===============================
واحد بخيل قال لولاده ؟
اللى هينجح فيكوا السنه دى
هوريلوا عربيه الايس كريم
===============================
واحده بخيله قالت لابنها ...
روح اشترى 3 سندوتشات
واحد ليا و احد ليك و واحد لابوك
ف الواد نزل
طلعت الام تجرى تقف فى البلكونه وتقوله
انت يا ولا هات 2 بس
علشان ابوك مات
===============================
واحد بخيل جه يموت كتب فى وصيته
" انا ت محدش يغسلنى "
===============================
واحد بخيل راح مع ابنه السوبر ماركت..
الواد جاب بسكوت وشكولاته و شيبسى
ابوه بيقوله ايه ده يا واد
قاله بحبه يا بابا بحبه
قاله خلاص بوسه ورجعه ؟!
===============================
مره واحد بخيل وهوه بيموت قاعد يقول ؟.....
فين احمد ؟ قاله انا هنا يا بابا
قال امال فين محمود ؟ قاله انا هنا يا بابا
قالهم انتوا هنا و سايبين نور السفره مفتوح
===============================
بخيل اتجوز بخيله
خلفوا بنت سموها ..
حصاله
===============================
واحد بخيل جاب 3 تفاحات
فتح اول واحده لاقاها معفنه
رماها
فتح تانى واحده لاقاها معفنه
رماها
قام طافى النور
وكل التالته
===============================
واحد بخيل راح للدكتور....
قام الدكتور قاله خد من الدواء ده 4 معالق كل يوم
قام البخيل قاله بس انا يا دكتور معنديش غير
ملعقتين بس ! اعمل ايه ؟
===============================
مره اتنين بخله قوى
كانوا فى الميه
اتراهنوا على اللى يقعد اكتر مده غطسان فى الميه
الخسران يعزم الكسبان على العشاء
محدش طلع فيهم لغايه دلوقتى
لسه بيدوروا عليهم
===============================
مره واحد بخيل وقع فى حفره......
الناس قاعدين يحاولوا يطلعوه مش راضى
يقولولو هات ايديك ولا هوه معبر
فجه واحد بيقولهم فى ايه يا رجاله
قالوله الراجل ده وقع فى الحفره و مش راضى يطلع
قالهم ليه ؟...
انتوا قلتوله ايه ؟...
قالوله قولنا له هات ايديك..
قالهم طيب استنوا
وراح للبخيل و قاله خد ايدى...
قام طالع البخيل على طول
===============================
واحد بخيل راكب تاكسى..
فسواق التاكسى وهوه سايقه العربيه مكنش فيها فرامل
فجرت منه .....
فقعد يقول مش عارف اوقف العربيه
اعمل ايه ؟ الحقونا
قام رد عليه البخيل و قاله ؟.......
وقف العداد الاول
=====================================
كان في مره قردين واحد حظه حلو والتاني حظه وحش
ابو حظ حلو قال "تعالي نسرقة موز من المزرعة"
فطلع القرد اللي حظة حلو فوق الشجره وابو حظ وحش تحت،
صاحب المزرع وصل ومسك اللي تحت وضربه،
كل مره تتكرر الحكاية ده يتمسك ابو حظ وحش،
فقال ابو حظ حلو:- "خلاص تعالي نسرق وانا ابقي تحت وانت تبقي فوق"
وصل اولاد صاحب المزرعة عشان يمسكوا اللي تحت
قال لهم "لأ ده اضرب كفاية امسكو اللي فوق"
=====================================
طلع مجموعة صيادين يصطادوا وكل ما يصطادوا حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالوا لصاحبه:- خده الافراح اللي بيحصل فيها ضرب نار كتير عشان يتعود على الرصاص
وبعد ما اخده لمدة 6 شهور رجع يصطاد تاني
ولما اصطاد الفريسه الكلب قعد يزغرط
=====================================
س/ ليه النمله مابتخدش الفيل قدامها على العجله ؟؟؟
ج/ علشان بيلعب فى الجرس
رخمه صح
=====================================
فار وخطيبته ماشيين,
شاف الفيل فحب يعمل منظر قدامها,
فقعد ينده علي الفيل ويقوله:- "خد يا فيل انت أيوة انت يا عجل"
وقعد يهزأ فيه
تاني يوم راح للفيل وقاله:- "معلش سامحني انا كنت بعمل منظر قدام خطيبتي وهطلع أبوس دماغك"
وهو فوق دماغه لقي خطبيبته معدية
قاله:-" يعني أكسرلك دماغك دلوقتي"
=====================================
مره صرصار طلع من الخلاط قال يخرب بيت إللى يدخل الملاهى تانى
=====================================
تلاتة صقور أغبية اتراهنوا على اللى يصطاد أكبر حاجة،

الأول راح وجه وفى منقاره حبة دم قالهم:- شايفين الجبل الى هناك ده قالوا له:- أيوه
قال:- قتلت وراه غزال

والتانى راح وجه وفى منقاره حبة دم كتير قالهم :- شايفين الشجرة الى هناك دى قالوا له:- أه
قالهم :- قتلت وراها نمر

والتالت راح وجه وكله دم فى دم وقالهم :- شايفين العمود الى هناك ده قالوا له :- اه
قالهم :- أنا ما شفتوش
=====================================
مره الأسد قال نكتة كل الحيوانات ضحكت إلا الحمار جيه تاني يوم لقوه بيضحك
سألوه :- بتضحك ليه؟
قال لهم :- أصلي فهمت النكتة
=====================================
نملة بتحب نملة بتقول لها تقبلى تتجوزينى وافقت بس بشرط تكتب البلاعة باسمها
=====================================
خروف بيسأل خروف :- عدى عليك عيدين ومادبحوكش ليه؟
قال له :- أصلي مسجل نفسي في شهادة الميلاد حمار
=====================================
س/ كلب جاله ذبحة صدرية ليــــــــــه؟؟؟
ج/ بيهوهو على واحد أطرش

اتنين صعايدة بيلعبوا شطرنج
الأول: هـــــــا موتلك الحصان
الثانى : ( خرج وجالة بعد ساعة ) هـــا سممتلك البهايم
----------------------------------
واحد بيسأل خطيبته : حد قبلى لمسك ؟ سكتت

قالها : زعلتى

قالت له : لأ بأعدهم
---------------------------------
التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد
---------------------------------
مرة حمار بيقول لخطبتة احنا هنتجوز امتى يا حمارة
قلتلة لما تحسن الفاظك شوية يا حيوان
---------------------------------
مره واحد بارد قوى ركب اتوبيس شاف بنت حلوه قعده يبصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى
--------------------------------
واحد عنده مزرعة فراخ.. دخل المزرعة لقي كل فرخة بايضة بيضة واحدة بس..
مسك فرخة من رجليها ونتف ريشها وقطعها..
وقال للفراخ :- اللي مش هتجيب بكرة خمس بيضات هقطعها زي الفرخة دي
.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس..
فقاللها :- ايه ده؟؟
قالت له :- استر عليا ده انا ديــــــــــــــــــــــك
-------------------------------
كان فى واحد بلدياتي جايب لابنه عربيه فا ابنه راح و قاله يا بابا انا رخصت عربيتى خلصت ابوه قاله يا فالح مانت داير تلف بيها طول النهار

------------------------------
ندل مر على مقبرة شغل المسجل وحط أغنية الحياة حلوه
------------------------------
واحد أحول راح يجيب أبوه من المطار باس الشنطة وشال أبوه
-----------------------------

إثنين ساكنين في خيمة ونايمين على ظهورهم بالليل .
شاف الأول السما وقال للثاني : شايف إية؟
قال: شايف النجوم.
قال الأول :وده معناه ايه ؟
قال: إن في مجرات وكواكب غيرنا في الكون
قال الأول : دة معناه ان الخيمة اتسرقت يا حيوان .
--------------------------------
واحد بلديتنا قال لمراته نكتة وبعد النكتة.
مراتة : هى هى هى بايخة
بلدياتنا : هى هى هى انتى طالق
---------------------------------
مرة واحد احول جه يعيط رجع
---------------------------------
الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق
--------------------------------
سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا
-------------------------------
واحد من الجماعة المهمين سأل الاخ بوش في الخباثه : إنت ليه متأكد إن في نووي في العراق؟

!!! بوش : لأن معايا الوصل اللي أبويا باعهلهم بيه
-------------------------------
دبانة وقعت فى ازازة وسكى طلعت تقول وسع للنسر
==========================
فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى
==========================
واحد عصبي اتجوز واحده عصبيه يوم الولاده... الولد بيقول للدكتور وسع إنت ...ابعد ...أنا خأنزل لوحدي
==========================
واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة
==========================
ٍس:بقولك ليه بنوا تلات أهرامات بس مش أربعة؟
ج:عشان الشلن يقضى...هههههههههههه
س:ليه أتاخروا فى بناء الاهرامات؟
ج:عشان كل ما يرصوا حجرين كان البوليس بيطب
==========================
س:بيقولك كان فيه حجر زيادة يعملوا فيه ايه؟
ج:يرموه....ههههههههههههه
==========================
س:بيقولك واحد عايم فى البحر غرق ليه؟
ج:عشان الحجر وقع على راسه...هههههههههههه

---------------------------------------------------------------------
واحد بلديتنا حب يعمل ارهابى.. خطف ابنه.. محدش سأل عليه قتله
------------------------------------

أتنين أغبياء
واحد بيقول للتاني : لو عرفت أيه اللي في الكيس ده ... حديك منه سمكه
التاني قالله : البحر
------------------------------------
مرة واحد حب يطور الطيارة الهليكوبتر ركب بدل المروحة تكييف

==============================
مرة واحد حب........العصافير كلته
==============================
واحد مسطول رجع مع صاحبه البيت الفجر . مراته بصت من البلكونة.
وقالت : بقينا الفجر و لسه جاى , اطلع يا منيل"
. قال لها : اطلع فين ؟؟؟
انزلى شوفى جوزك مين فينا
==============================
مرة واحد لبّان ابنه دخل المدرسة... قعد اسبوعين وقطع
==============================
استاذ سال تلميذ الثعلب بيولد ولا بيبيض قاله ده مكار اتوقع منه اي حاجه
==============================
واحد اتزنق فى ربع جنيه.................. طلع من الخورم
==============================
مرة واحد راح السودان بالليل ملاش حد
==============================
مره اثنين حششين فواحد بيسال الثانى هو الحشيش حرام ولا حلال رد عليه الثانى وقله لو حلال ادينا بنشربه ولو حرام ادينا بنحرقه
==============================
واحد مهندس كمبيوتر راح للجزار قاله هات اربعة كيلو لحمة مفرمته .. بس قسمهم لي على تو بارتيشن-------
==============================
مره واحد بلديتنا طلع عليه الفجر قتله
==============================
واحد خش في موضوع كسره
==============================
مره واحد كان قاعد مع خطيبته علي النيل-------

قال لها شايفه القمر يا ليلي

وردت عليه بتقوله

شايفني عميه يا روح امك
==============================
مدرس تاريخ بيقول لطالب: ماذا تعرف عن كيلوبترا
قاله : السوبر ولا العادة
==============================
مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش البوليس خبط علي الباب قطع العشرين جنيه بتاعت الحشيش
==============================
واحد مسطول سألوة عن ارأيو فى الزواج المبكر
رد قال : حوالى الساعه كم كدم؟
=============================
مرة مدرس جغرافيا ابنه تاه دور عليه فى الخريطة
=============================

نور الحق السبت أغسطس 18, 2007 5:39 pm

واحد قابل صاحبه قاله امبارح كنت قاعد في البلكونة وقعت عليا بعكوكة
قاله يعني أيه بلكونة
=============================
عملو مسابقه لكشف الكدب جابو من المانيا واحد ومن الصين واحد ومن مصر جابو الصعيدي
وضعوا الالماني علي الجهاز قال : احنا فكرنا نعمل صاروخ حجمه قد الكرة الارضيه
الجهاز رن
وضعو الصيني علي الجهاز قال : احنا فكرنا نعمل دبابه نوويه
الجهاز رن
وضعوا الصعيدي علي الجهاز قال: احنا فكرنا
الجهاز رن
=============================
مرة واحد بلدياتي بص فى المراية طلب اتنين شاى
=============================
مرة واحد عداه العيب خد اللي بعده
=============================
مرة واحد كتب على الحيطة معرفش يطلقها
=============================
ازاى تعرف تصطاد ارنب وانت معكش غير صخرة
.تقف ورى الصخرة وتقلد صوت الجزرة يقوم الأرنب جاى عليك امسكوا
=============================

مرة واحد باكستاني قابل واحد باكستالت
=============================
مره واحد اتزنق في قرشين فعصوة
=============================
مره قرد شاف اشرة موزه على الأرض فقال يييه هاتزحلق تانى
=============================
مرة مدير شركة كدليز دخل السجن خرجوه بكفولة
=============================
مره ضابط في الجيش طلع على المعاش اخذ مكفاءة نهاية الخدمة اشرى بيها ارض و زرعها الغام
=============================
فرخه اتجوزت فيل، خللفوا ولد سموه تشيكن فيليه
=============================
مرة نملة دخلت تستحمى تاهت فى الليفة
=============================
واحد سكران فتح التلاجه وبص للجلي ..0لقاه بيرتعش
قاله : متخفش هاخد عصير
===============================
أتنين فراعنة بيحششوا في المعبد دخل عليهم الكاهن بتاع المعبد وقالهم ((أمون راع))

رد علية واحد منهم وقال : (( راع فين ياعم )) مهو قاعد جنبي أهوه
===============================
طفل اتولد و ظل 5 سنين لا يتكلم, اول كلمة قالها :خالي.... بعدها بيوم خاله مات

ومر اسبوع واتكلم الولد مرة ثانية و قال :اخويا ....بعدها بيوم اخوه مات
ومر اسبوع آخر والولد قال : بابا .....فكتب الاب وصيته بعدها بيوم
جارهم مات
================================
مرة واحد سكران قابل واحدة وحشة اوى ... فاول ما شافها قعد يضحك ويقولها انتى وحشة اوى
... قالتلة جرى اية يا سكران ... قالها طب انا هافوق بكرة
انتى بأه هتعملى اية؟
=================================
وحدة بتقول لجوزها يا راجل مش تقولي كلمة حلوة
قالها : يا قمر
قالت : لا كلمة تهزني
قالها : يا زلزال
قالت : يا راجل كلمة تحسسني اني مراتك
قالها : انتي طالق
=================================
اتنين مساطيل الاول بيقول :هو القمر ماطلعش ليه؟
............التاني قالو :الغايب حجته معا
=================================
عشرة بلدياتي بيلعبوا علي الطريق السريع
اللي العربية تخبطة مرتين يطلع برة
=================================
عشرة بلدياتي بيغيروا لمبة قلاووظ
واحد مسك اللمبة و التسعة التانيين لفوا السقف
=================================
واحد بلدياتي حب يعلم ابنه المشي
ربطه في القطر
=================================
ديك بيقول لفرخة إزاى سايباهم ياخدوا البيض بتاعك وساكتة؟
قالتلة مش أحسن منك بتأدن وما بصتليش؟
=================================
مر واحد أحول دخل الحمام ليف البانيو وطلع
=================================
شيخ قال لثلاثة من طلابه تعالوا أسمع لكم

فقال للأول : ما اسمك ؟؟
قال : يوسف
قال الشيخ : اقرأ سورة يوسف

وقال للثاني : ما اسمك ؟
قال : محمد
فقال الشيخ : سمع سورة محمد

فقال للتالت : ما أسمك؟

فقال : عمران و بيدلعونى بكوثر
=================================
واحد أحول عنده بنت حولة في يوم روح من الشغل وخبط على الباب ففتحتله بنته وقالتله : بابا انت جبت عمو قللها : خشي خشي انتي وأختك
=================================
غبيه حبت تفرح جوزها ليلة الـدخله ... قالت له أنــــــا حــــــامــل
=================================
واحد إتصل بمراتة قاللها : أنا كسبت المليون فى من سيربح المليون جهزى شنطتك بسرعة.
قالتله : أشيل معايا هدوم الشتا ولا الصيف.
قال لها : شيلى كل هدومك000000000 المهم ما أشوفكيش في البيت لما أرجع
------------------------------------
واحد اسمه ( زعلان ) إتجوز واحده اسمها ( فرحه ) جابوا بنت سموها ( يا فرحه ماتمت)
-------------------------------------
واحد فلاح لقى مصباح علاء الدين أعد يحك فيه طلع له العفريت قاله : شبيك لبيك عبدك بين إديك
قاللة عايز مزرعه كبيــــــــــرة
قالله العفريت : يا عم روح هو لو كان عندى مزرعه كنت قعدت فى الزفت المصباح ده
------------------------------------
واحد أحول دخل الجيش حطوة فى سلاح القصف العشوائى
------------------------------------
واحد شحات رايح لعجلاتى يقلله : أعطنى مما أعطاك الله
العجلاتى قاله : خدلك لفة.
====================
مرة واحد محمل كتاكيت على عربية كرو فقابلة كشك مرور
فسأله الظابط : إيه إلى معاك ده
قال له : دى كتاكيت يا باشا
قاله الظابط : بتأكلهم إية؟
قاله : درة وعلف ياباشا
فضربة الظابط وقاله : أكلهم تورتة وجاتوة يامغفل
قاله : حاضر يا باشا
فقابله مرور ثان فسأله الظابط : بتأكل الكتاكيت إيه؟
قاله : تورتة وجاتوة ياباشا
فضربة الظابط وقاله : أكلهم درة وعلف يامغفل
قاله: حاضر يا باشا فقابلة مرور ثالث فساله الظابط : بتأكل الكتاكيت إيه؟
قاله : شوف ياباشا أنا بدى لكل واحد مصروفه وكل كتكوت يجيب إلى هو عايزة
=====================
مرة 2 بلدياتنا كانوا ماشيين فى الصحراء طلع عليهم اسد راح
واحد رمى عليه طوبه وقعد يجرى وبعدين بص وراه لقى زميله واقف ومبيجريش
فقاله : انتى مبتجريش ليه؟
قاله : واجرى ليه هو انا اللى ضربته؟؟!!!!!!
======================
اتنين محششين كانوا ماشين فى الصحرا
فواحد منهم بص فى السما.. وقال : شايف القمر جميل ازاى ؟؟؟؟
قام التانى قاله : بس دى الشمس مش القمر
قاله : لأ القمر
وقعدوا يتخانقوا فمر عليهم واحد محشش تانى فسألوه
فقالهم : انا اسف اصل انا مش من هنا
===========================
مرة واحد بلدياتي دخل محل اجهزة كهربائية
و سأل البائع : سالخير بكام التلافزيون ديه لو سمحتم ؟
رد البائع : امشي ياله مبنبعش لصعايدة
فتغاظ جدا واصر ان هوا يشتري التلفزيون ده, وارتدي ثياب قاهرية ودخل نفس المحل
وقال : مساء الخير بكام التلفزيون ده لو سمحت
رد البائع : امشي يالة مبنبعش لصعايدة
كاد ان ينفجر من كتر الغيظ , فارتدي ثياب مرأة منقبة و دخل هوا هوا المحل
وسأل : السلام عليكم يا اخي كم تريد مقابل هذا التلفاز ؟
رد البائع : امشي ياله مبنبعش لصعايدة!!!
فاتغاظ اوي
وقال للبائع : انت كل مرة تعرفني إزاى
قاله : اصل دة مش تلفزيون دي غسالة
============================
واحد زكي قوي كان بيتفرج على عالم الحيوان فشاف الصيادين بيصطادوا الحيوانات
فقال : إشمعنا هما بيعملوا كده أنا كمان هعمل زيهم فراح باع حتة الأرض إللى حيلته و اشترى معدات الصيد و سافر لمجاهل إفريقيا
و بعد ما رجع أصحابه راحوا له وقالوا له: قول لنا عملت إيه هناك ؟!
فقال لهم: أول يوم إصطدت 30 غزالة و 70 أسد و 100 نوبليز
تاني يوم اصطدت 50 غزالة و 100 أسد و 200 نوبليز
تالت يوم الحيوانات خلصت من الغابة أمت اصطدت 300 نوبليز
فقال له أصحابه: إنت طول القعدة عمال تقول نوبليز ....نوبليز هو إيه النوبليز ده؟
فقال لهم: دى حاجة سودة بترفع إديها وبتقول نو بليز
==============================
مرة واحد بلدياتي اشترى عمارة milk مراتة طلعت تلم القشدة من على السطح
==============================
مرة بلدياتي رفضوا انا يطلع عليهم نكت فبعدين رراحو للريس
قالوله: لازم تشفلنا حل للموضوع ده
قالهم : انا هسألكم سؤالين لو جاوبتوهم تبقوا ازكياء
س1_ مين اللى كسب ف معركة احد بين الكفار والمسلمين؟
قالوله : المسلين
قال لهم : لحـد كده كويــــــــــــــــــــــس
س2_مين اللى كسب ف ماتش الاهلى والزملك اللى فات؟
قالول له : الاهلى
قال لهم : تمام اوى
وخلاص كانو هيخدوا براءة من النكت طلع واحد
قال: معنى كدة ان الزملك هتلاعب الكفار على التالت والرابع
!!!!!!!!!!!!!!!!!!!!!!!!!!!!!!!!!!!!!!!!!!!!!! مفيش فايدة
=====================================

مرة واحد بلدياتي قبل مايموت وصى ولادة وصية
قالهم : تعالوا يا ولادى ونادى على ابنة الكبير
قال له ؟ خد يابنى عود القصب ده واكسره.... فكسره

قال له : يابنى خد عودين القصب دول واكسرهم.... فكسرهم

قال له : خد3 اعواد القصب دول واكسرهم.... فكسرهم

قال له ؟خد 5 اعواد القصب دول واكسرهم.... فكسرهم

قال له : خد حزمة الصب دول واكسرهم ....كسرهم

قال لهم : يا ولادى طول ما معاكو البغل ده ما يتخفش عليكوووووووو

===========================
س/ كيف تعرف البواب بلدياتنا ....؟؟؟؟؟
ج/ يقوم بتنظيف المصعد في كل دور
============================
س/ أية هو المكتوب علي قاع زجاجة المياه الغازيه في بلدنا
ج/ مكتوب : الفتح من الناحية الأخري.
============================
بلدياتي لغي موعده مع الدكتور لأنة مريض
============================
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
============================
بلدياتنا أول مرة يشوف واحد فلبيني قال يا بخته ده شبعان نوم
============================
س/ واحد بلدياتنا عازم صحابه على السطح ليه؟
ج/ أصدقاء سطحيين
============================
واحد بلدياتنا عنده ارق ومش عارف ينام....
قال له صاحبه : عندي لك طريقة للنوم مؤكدة....عد من واحد الى خمس ميه

بلدياتنا مكدبش خبر... وأول ما الدنيا ليلت

راح للسرير وبدأ يعد
.. واحد
.. اثنين
.. ولما وصـل الى ميه وتسعة وتسعين ...
جـاه النوم
… قـام غـسـل وشه ورجــع للـسـريـر يـكـمـل الـعـد
================
مره ولد كل يوم يروح السوبر ماركت يقول للبياع : عندك آيس كريم بالطماطم
البياع بيقوله : لأ
كل يوم بتتكرر معاه الحكايه دي
فقال لزوجته قالت قوله : آه
الولد سأله : عندك آيس كريم بالطماطم
البياع رد عليه : آه
رد الولد عليه : يـــع.
============================
واحدة ابنها تاه قالوا لها متخافيش لو حلال هيرجع قالت يا خرابي الواد رااااااااح
============================
واحد رخم اتجوز واحدة رخمة جه الدكتور يولدها
الواد قاله : .. اوعة انا هنزل لوحدى
============================

اثنين بيحششوا بجوار الاهرامات
واحد قال للثاني : انت عارف ليه القدماء المصريين قعدوا فترة طويلة يبنوا الهرم الاكبر
رد عليه الثاني وقال له :لأ ما اعرفش
قال له : علشان كل ما كانوا يرصوا حجرين تيجي عليهم كبسة .

************************************************** *********************
اتنين مساطيل لقوا بيضة
واحد قال بيضة فرخة و
التاني قال بيضة ديك
و بعدين جاء مسطول ثالث فسألوه
فقال : انتوا لأقيتوها فين
قالوا على شريط القطر
فقال : خلاص تبقى بيضة قطر .

************************************************** ***********************

في مره بلدياتنا قتل ابنه
فسألوه : ليه قتلت ابنك؟
فقال : عصفور في الجنة ولا حمار على الأرض

************************************************** ************************

مرة في ثلاثة
الماني وبلدينا وفرنسي
قالوا لهم : اللي بيقعد اكثر مدة عند البقر هو اللي فايز
دخل الالماني طلع وقال يخرب بيت ام البقر
دخل الفرنسي وقال يخرب بيت ام البقر
دخلبلدياتي وطلعت البقر وقالت يخرب بيت ام بلدينا.

************************************************** ************************

مره واحد سكران كان ماشى بالليل فى الشارع و شايل شويه مسامير فى إيده فوقع على الارض مسمار من المسامير
فقال للمسمار: اطلع مكانك ..
واستنى شوية وقام قال له : بقى مش عاوز تتطلع
فرمى باقى المسامير على الارض
وقال: هاتـــــــــ ــــــوه.

************************************************** *************************

صعيدي مريض
سأله الدكتور :شو عندك قال عندي بقرة وحمار وغنمة.

************************************************** ****************

مرة كلب فقد الذاكرة ماشى فى الشارع
بيقول : صوصو...لا نونو....لا ....

=====================

واحد اخد ارنب علشان يبيعه فى السوق وهو رايح قابل واحد حشاش
قاله : تبيع القرد ده بكام يا كابتن ؟
رد عليه قاله : بس دا ارنب مش قرد !!!
قاله حد كلمك انا بسأل الارنب.
====================
واحد محشش ماشى فى الشارع قابل واحد عنده حسنه فوق عينه
قاله : ممكن سؤال يا كابتن؟
قاله : إيه؟....
قاله : دى عين ولا غين؟؟؟؟

======================

نور الحق السبت أغسطس 18, 2007 5:40 pm

واحد مربي ارانب كل ما يجبلهم جزر ياكلوه فراح كسر سنانهم وراح جاب شوية جزر
فلما رجع ملقاش الجزر فمسك ارنب
وساله : فين الجزر فرد عليه وقله عملناه عصير ؟
===================================
لية بلديتنا بيلبس تي شيرت علية قطة ؟عشان الفار ميلعبش في عبة.
===================================
مرة مذيعة أتجوزت واحد شخصيته مهزوزة ... ركبتله أريال.
===================================
واحدة حامل فى ثلاث توائم يوم الولادة الدكتور
بيطلع العيل الأول لقاه نايم وساكت قعد يضربه على وشه حتى صرخ الطفل ركنه على جنب
وطلع الطفل الثانى لقاه زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى
وقال للممرضة : كملى لأنهم اثنين بس ......
الممرضة جت تكمل لقت الطفل الثالث طالع براسه بالراحة
وبيسألها : هو الراجل اللى بيضرب العيال مشى ولا لسه
==================================
اهبل سأل امريكية : اسمك ايه؟
ردت: فكتوريا براون ..... وانت؟
قال لها: لوكس كحلي .
==================================
مره واحد عاوز يفسح عروسته في شهر العسل فسحها في منحل.
==================================
سألـــوا جحا : عندك كام سنه؟
قالهم:40.
سالوه بعد10سنين :عندك كام سنه ؟
قالهم:40.
سالوه : إزاى بتقول ان عندك 40سنه وانت قلت كدة من عشر سنين؟
قالهم : اصل كلمة الراجل واحدة
==================================
مدرس عربى دخل الفصل قال : النهارده حصة املاء .... يا اولاد اكتبوا ورايا
ذهب حسام الى المصيف يوم الاربعاء
راح ولد قام وقال : لو سمحت يا استاذ هو الاربعاء همزة على السطر ولاّ على الالف ؟؟؟
الاستاذ قاله : خلاص يا ابنى خليها الخميس
==================================
واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر
======================================
بطة راحت لبقال قالت له عندك سكر ؟؟
قال لها :لأ ..
راحت له تاني يوم قالت له : عندك سكر؟؟

قال لها : لأ ، وعارفه لو جتيني تاني حدق رجليكي المفلطحه في الأرض

راحت له تاني وقالت له : عندك مسامير؟؟
قال لها لأ : قالت له طب عندك سكر
======================================
ولد مغلّب مدرس الجغرافيا معاه....... ليه؟؟؟؟؟؟؟
عاوز يعرف خط الاستواء ده فودافون ولا موبينيل
======================================
بيقولوا لجحا : الحق يا جحا تعبان دخل غرفة مراتك ...
فقال لهم : سيبوه يستاهل
======================================
واحد يهودي قام من النوم الصبح وطلب من مراته تحضر الفطار
فقالت له : عايز تفطر إيه يا أبو كوهين
قال لها : هما بيضتين مسلوقين، واحده ليكي والتانية ليا
وإعمليهم لغاية ما أطلع على السطوح أظبط الإيريال.... وإوعي تنسي هما بيضتين
المهم طلع على السطوح إتزحلق ، وقع من عاشر دور، وهو بيقع زعق بعلو صوته
"بيضة واحدة بس يا أم كوهيــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــن "
======================================
كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ...
اول واحد غرق فى البحر ،

ثانى واحد عدا البحر لكن وقع من فوق الجبل

أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا
======================================

مرة واحد بيقولوا له : مراتك ماشيه مع كهربائي المنطقه
قال لهم : ده ولا كهربائي ولا بيفهم حاجه في الكهربه !!!
======================================

مره واحد بلديتنا طوبه جت في صدره بص وراه
======================================
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها

دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض.

أمه سألته: و مات ؟؟

ابوه رد عليها : ثلاث أيام لا يأكل ولا يشرب
أكيد يموت
======================================
واحد بلدياتنا في مسابقة من سيربح المليون اتصل بصديق
وقال له : الو محمدين

معانا 30 ثانية رايك احذف اجابتين ولا استخدم الجمهور ؟؟
======================================

بلدياتنا ما بيعرفشى يعوم وقع فى البحر مات محروق

======================================

مرة واحد بلدياتنا عرف ان الجلد موضة مشى عريان

======================================
واحد بلديتنا كبر دماغه معرفش يخرجها من التيشرت

مرة واحد نذر لو ابنه نجح في الثانوية هيدبح خروف
فبيسألوه عالنتيجة قال لهم : الخروف اتكتبله عمر جديد
======================================
مرة واحد بلدياتنا قرأ فى جريدة عن مواطن امريكى قتل مراته و دفنها تحت السرير و لم يتم كشف الجريمة الا بعد 25 سنة!!!!!!!!
قال بلديتنا لنفسه : و الله فكرة اهو ارتاح من النكدية مراتى وبعد 25 سنة يكتشفوا الجريمة اكون انا كبرت جدا او مت!!!!!
وبالفعل راح البيت ففتح باب الشقة فقابلته بوصلة من السب والكلام الذى يسم البدن!!!!
قام قتل مراته ودفنها تحت السرير
وبعد نص ساعة لقى البوليس بيهجم على الشقه ويقبضوا عليه
فاستغرب بلديتنا وقال للظابط : رغم انى عملت زى الراجل الامريكانى اللى فى الجورنال الا انكم جيتوا بسرعة ازاى!!!!!!!!!!!!!!!
مسك الظابط الجورنال و قرأها و قال له :- لأن الراجل الامريكانى كان ساكن فى الدور الارضى لكن انت ساكن فى الدور الخامس فقامت الجثه وقعت على الجيران قاموا بلغونا!

======================================

مرة واحدة ست عجوزة قاعده لواحدها في البيت وبعدين التليفون رن
لقت واحد بيقولها :-
انا الرجل ذو الايدي الملوثة بالدماء انا هاجي لك بعد سنة

الست قالت ده واحد بيعاكس وقفلت السكة

المهم اتصل بيها تاني بعد شهر
وقالها :- انا الرجل ذو الايدي الملوثة بالدماء انا هاجي لك بعد 11 شهر
الست برده قالت :- ده واحد بيعاكس

وقفلت السكة المهم اتصل بيها تاني بعد شهر
وقالها :- انا الرجل ذو الايدي الملوثة بالدماء انا هاجي لك بعد 10 شهور
الست برده قالت :- ده واحد بيعاكس وقفلت السكة

المهم اتصل بيها تاني بعد شهر
وقالها :- انا الرجل ذو الايدي الملوثة بالدماء انا هاجي لك بعد 9شهور

المهم فضلو كده كل شهر يتصل بيها لغاية ما في يوم اتصل

وقالها :-انا هاجي لك بكرة
الست خافت ليكون بيتكلم بجد

تاني يوم اتصل بيها وقالها :- انا الرجل ذو الايدي الملوثة بالدماء انا هاجي لك دلوقتي

الست خافت اوي اوي

وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي

وايديه كلها دم وقالها :- انا الرجل ذو الايدي الملوثة بالدماء .. ممكن اغسل ايدي ؟؟

========================

عيل صغير كل شويه يروح للبقال يطهقه فى عيشته
يقوله :- عندك بيض؟
البقال يقوله :- أه
العيل يقوله :- هات جبنه
يروحله تانى:- عندك جبنه
البقال يقوله:- أه
يقوله :- طيب هات مربى
عندك مصاصه
أه
طيب هات عسليه

البقال اتضايق راح حكى الموضوع لأبو العيل

أبو العيل قاله:- عندك عصايه
البقال قاله :- أه
قاله :- طيب ابقى خده ألمين
===================
مرة 3 أطفال راحوا محل لعب
واحد بيقول للراجل:- عمو عمو عايز بلونة.
الراجل جاب السلم وطلع جاب له بلونة ونزل
فسأل التاني: وانت عايز ايه؟
.قال له : بلونة ..
قال له : ماقلتش ليه وانا فوق!!
المهم طلع جابها له
وهو فوق سأل الولد التالت: وانت كمان عايز بلونة؟؟؟
قال له :-لأ...
فنزل الراجل وقال له :- امال عايز ايه؟.
قاله :-عايز بلونتين

---------------------------------------------------------------------------------------------------------------------------------------------

**********
* حيوانات *
**********
قرد ودانة اتقطعت بص فى المراية
قال:- يا خسارة الحلو ميكملش
======================================
مرة فار راجع بيتهم مسطول فتعب في السكه فنام تحت الرصيف
شافته القطه قالت :- اروح اكله وهى بتعدي ريحاله خبطتها عربيه فماتت جنب الفار
ولما الفار صحى ولقي القطه ميته جنبه
قال :- الله يخرب بيت الخمره اللي بتخليني اموت في مخاليق ربنا
================================================== ======
واحد عندة غيط جزر كل ما الجزر يطلع تيجى ارانب من المزرعة اللى جنبه وتاكل يتغاظ ويمسك الارانب ويسالها عملتو اية فى الجزر يقول الارنب اكلنا الجزر الراجل زهق وقرر يخلع للارانب كلها ضروسها وفعلا وبعد فترة طلع الجزر وفى يوم الراجل ملقاش الجزر اتغاظ وراح ماسك الارانب وسالها عملتوا اية فى الجزر رد الارنب وقاله عملناه ( عثير )
================================================== ======
حمار بيقول لخطيبته امتى هنتجوز ياحمارة قالت له لما تحسن الفاظك ياحيوان
================================================== ======
ليه الفيل بيلبس شراب اخضر؟ عشان مايبانش في النجيله
================================================== ======
فيل على علاقة بنمله قرر فجأه ينهى العلاقه فقالت النمله وهى تترجاه ارحمنى و ارحم الفيل إلى فى بطنى
================================================== ======
مرة كلب فقد الذاكرة ماشى فى الشارع بيقول صوصو...لا نونو.....لا .....
--------------------------------------------------------------------------------------------------------------------------------------------

***********
* مســاطيل *
***********
واحد محشش فتح محل سماه منجره الاقمشه الكهربائيه لحلاقه الاحذيه الطازجه

================================================== ======

واحد مسطول لسة حالق شعره فبيقول لصحبه :- شايف الحلقة دي , دي أخر حلقة
صاحبه قال له :- ليه؟
فالمسطول قال له :- عشان البطل بيموت

================================================== ======

واحد مسطول راكب طيارة خبط علي كتف المضيفة وسألها :- الحمام فين؟
قالتله :- الناحية التانية
راح عالكتف التاني وسألها :- الحمام فين؟

================================================== ======
جماعة بيحششوا فى الترب وطب عليهم البوليس
وقالهم الظابط:قدامى كلكم على البوكس..واحد مرديش قام الظابط شخط فيه
وقالوا:قوم يامسطول رد المسطول
وقالوا:لأياباشا انا مش معاهم ..اناميت

================================================== ======
اتنين مساطيل اتفقوا انهم يسرقوا العماره اللى قدامهم
فالحرامى الاول اقترح انهم يزقوا البيت الى مكان بعيد وفاضى علشان يسرقوا براحتهم
فقلعوا هدومهم وفضلوا يزقوا فى البيت فات من جنبهم واحد حرامى سرق الهدوم
فواحد منهم بص وراه ملقاش الهدوم قال :- بس كفايه كده احنا بعدنا اوى

================================================== ======
مرة واحد مسطول بيلعلب كورة اخد الكورة على صدرة طلعها من منخيرة

------------------------------------------------------------------------------------------------------------------------------------------

***********
* متنـــوعة *
***********
اتنين رخمين اوي اتحكم عليهم بالاعدام
فسألو الاول :- نفسك في ايه؟..... قال:- نفسي اشوف امي
وبعدين سألو التاني :- نفسك في ايه؟..... قالهم :- نفسي متخلوهوش يشوف امه
================================================== ======
مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق
================================================== ======
مدير شركه سجائر مستورده قابل مدير شركه سجائر محليه فقالو انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟
--------------------------------------------------------------------------------------------------------
*********
* غـــباء *
*********جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى
================================================== ======
اربعة أغبياء عملوا عملية اختطاف فخطفوا فتاه واوقفوا تاكسى فسائق التاكسى قال:التاكسى ده اربعه راكب بس قاموا سابوا الفتاه وركبوا هم
================================================== ======
واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها
================================================== ======
مرة واحد مسئول بيفتتح حمام سباحة فالمدير قال له ده المنط يا فندم 30متر.... قوم نط يا مرزوق فنط مرزوق . وده يا فندم منط 50 متر قوم ياعوض نط فنط عوض .وده يا فندم منط 80 متر قوم يا نجيب نط فنط نجيب فقال المسئول هايل ..هايل .... قام المدير قال ولسه يا فندم لما نملى الحمام مايه
================================================== ======
مره واحد اشترى لمبه مسمار دقها في الحيط
================================================== ======
واحد بلدياتنا وقع من الدور العاشر .. جاله صداع
================================================== ======
مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل
================================================== ======
مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناطحات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و لا شرب وما يمتش
================================================== ======

واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان

================================================== ======
في واحد بخيل ضرب ولاده ليه؟ علشان لقاهم مشغلين المروحه على تلاته وهما اتنين

================================================== ======
طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك
================================================== ======

واحد قال لخطيبته أنتي لبن أنتي قشطة أنتي حليب أو أقلك ؟ أنتي البقرة كلها
================================================== ======
واحد سافر امريكا ...وبعد سنتين اتصل بأبوه وقال له انا اتجوزت وجاني ايدز .......... ابوه إضايق قوى وقال له ... ليه ما سميتوش على اسم جدك
================================================== ======*
غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟

================================================== ======
اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت

أكبر مكتبة نكت في شذى المحبة

أكبر مكتبة نكت في شذى المحبة

رد: أكبر مكتبة نكت في شذى المحبة

رد: أكبر مكتبة نكت في شذى المحبة